Մարդուն խելացի դարձնող աթոռ է ստեղծվել

Մարդու մտավոր կարողությունների զարգացմանը կարող է այսուհետ նպաստել նաև կահույքը: Ասվածի մասին է վկայում LimbIC աթոռը, որը, արտադրողի վստահեցմամբ (ընկերության անունը չի հաղորդվում), լավացնում է մարդու մտավոր կարողությունները:

«Բիզնես սթայլ»-ի հաղորդմամբ` «խելացի» աթոռը նյարդաբանության ու դյուրագիտության (աշխատանքը դյուրին և արդյունավետ դարձնելու գիտություն) վերջին նվաճումների միացությունն է: Այն կարգավորում է ուղեղի` հույզերի համար պատասխանատու հատվածը, հաղորդում էներգիա, կենտրոնացվածություն և ստեղծագործական մտածելակերպ:

Աթոռը բավական անսովոր դիզայն ունի` երկու շարժական նստատեղերն այնպես են նախագծված, որ նստողն առավել ազատ շարժվելու հնարավորություն ունենա, ինչն էլ կնպաստի նրա ուղեղի աշխատանքին:

Բացի այդ, այն իսկական փրկություն է բոլոր նրանց համար, ովքեր ցավեր ունեն մեջքի հատվածում:

Բացառիկ ապրանքն արժե 8.500 դոլար:

Հարցեր, պատասխաններ, մեկնաբանություններ